ԲԱՆԱՎԵՃ․ Բանտարկություն՝ Փաշինյանին հարվածելու փորձի մեղադրանքով․ ինչպե՞ս կանխել բռնության և ատելության խոսքը

Ֆիզիկական և հոգեբանական բռնության, ատելության խոսքի և վիրավորանքների ծավալը մեծացել է նախընտրական Հայաստանում։ Իրավապահները մեղադրանք են առաջադրել և կալանավորել երիտասարդի, որին մեղադրում են Նիկոլ Փաշինյանին հարվածելու փորձի մեջ։ Այդ դեպքից օրեր առաջ վարչապետն էր մետրոյում Արցախցի կնոջ հետ թեժ բանավեճի մեջ մտել՝ օգտագործելով «փախածներ» բառը։ Հետո ներողություն խնդրեց, ասաց՝ արցախցիներին նկատի չունի, այլ՝ ռազմաքաղաքական էլիտային։ ԱԺ նախագահը ևս հայտնվեց աղմկոտ պատմության մեջ․ ի պատասխան իր հասցեին հնչեցրած հայհոյանքի, ինքը ևս հրապարակային հայհոյեց։ Մասնակից անձի նկատմամբ որպես խափանման միջոց է կիրառել վարչական հսկողությունը և բացակայելու արգելքը։ Ալեն Սիմոնյանի վարքը չքննվեց ՔՊ վարչությունում, չստուգվեց՝ արդյո՞ք խախտել է կուսակցության նոր ընդունված կանոնագիրքը։

Այս ֆոնին Արդարադատության նախարարությունը մշակել է օրենսդրական նոր փաթեթ, որը տուգանքներ և վնասի հատուցում է նախատեսում այն դեպքերում, երբ խոսքը չի հասնում բռնության կոչերի, բայց խաթարում է մարդու արժանապատվությունն ու հասարակական համերաշխությունը։ Եթե դատարանը հաստատում է ատելության խոսքի փաստը, տուժողը կարող է պահանջել բովանդակության հեռացում։ Կարող է սահմանվել փոխհատուցում՝ 1-2 մլն դրամի չափով:  

Ինչպե՞ս պայքարել բռնության, ատելության խոսքի և վիրավորանքների դեմ՝ հատկապես նախընտրական փուլում։ Factor TV-ում հրավիրել ենք քննարկում, որին մասնակցում են Գեղամ Վարդանյանը՝ Media.am կայքի խմբագիր, Վարազադատ Հարությունյանը՝ փաստաբան, Նունե Հախվերդյանը՝ լրագրող, արվեստի քննադատ, ՀՌՀ անդամ, Դավիթ Ալավերդյանը՝ «Մեդիամաքսի» գլխավոր խմբագիր, Յուրի Ավագյանը՝ «Ռեստարտ» հիմնադրամի տնօրեն։

Հաղորդումն ամբողջությամբ՝ տեսանյութում։

Ռոբերտ Անանյան