14.07.2026 | 22:59
Թրամփը հրաժարվել է Հորմուզի նեղուցով անցնող նավերի համար նախատեսված 20% վճարի գաղափարից
«Զայեդ» մրցանակի շրջանակներում Փաշինյանի ստացած 500 հազար դոլարը կփոխանցվի պետական գանձապետարանի ավանդային հաշվին
Քաղաքականություն
02.04.2026 | 10:19
Նիկոլ Փաշինյանի՝ «Զայեդ» մրցանակաբաշխության շրջանակներում ստացած 500,000 ԱՄՆ դոլար մրցանակը կառավարելու համար ՀՀ վարչապետի աշխատակազմը Ֆինանսների նախարարության գանձապետարանում կբացի արտաբյուջետային ավանդային հաշիվ։ Այս մասին Factor.am-ը տեղեկանում է ՀՀ կառավարությունից։
Մրցանակային գումարը կփոխանցվի հատուկ բացված հաշվին և կօգտագործվի կառավարության կողմից սահմանված ծախսերի ֆինանսավորման նպատակով։
Կառավարությունից նշում են, որ այս մեխանիզմը թույլ կտա ապահովել միջոցների կառավարման թափանցիկություն և նպատակային օգտագործում՝ մուտքերի և ելքերի առանձնացված հաշվառմամբ պետական գանձապետական համակարգում։
«Զայեդ» մարդկային եղբայրության 2026 մրցանակաբաշխության շրջանակներում ՀՀ վարչապետը և Ադրբեջանի նախագահ Իլհամ Ալիևը արժանացել էին մեկ միլիոն դոլար մրցանակի, գումարը կիսվել է երկու ղեկավարների մեջ։
Նարեկ Կիրակոսյան
