25.08.2026 | 21:53
Սեպտեմբերի 1-ից դպրոցների հարակից տարածքներում ոստիկանությունը կանցկացնի ուժեղացված ծառայություն
54 տարվա ընդմիջումից հետո տիեզերագնացներով առաքելություն է ուղարկվել դեպի Լուսին
Քաղաքականություն
02.04.2026 | 10:35
Ամերիկյան «Օրիոն» տիեզերանավը հաջողությամբ մեկնարկել է Ֆլորիդա նահանգի Կանավերալ հրվանդանից դեպի Լուսին «Արտեմիս 2» առաքելության շրջանակներում: Մեկնարկը ուղիղ հեռարձակվել է NASA-ի YouTube ալիքով։
Սա 1972 թվականից ի վեր դեպի Լուսին տիեզերագնացներով առաջին առաքելությունն է, գրում է Meduza-ն։
Տիեզերանավում չորս տիեզերագնացներ են՝ հրամանատար Ռիդ Ուայզմենը, օդաչու Վիկտոր Գլովերը և առաքելության մասնագետներ Քրիստինա Կոխը ու Ջերեմի Հանսենը:
«Օրիոնը» Լուսնի շուրջ մեկ պտույտ կկատարի՝ թռչելով մակերևույթից 7500 կիլոմետր բարձրության վրա։ Առաքելությունը կտևի 10 օր․ Լուսնի վրա վայրէջք նախատեսված չէ։
«Արտեմիս 2» առաքելությունը ամերիկյան լուսնային ծրագրի առաջին կարևոր քայլն է, որի նպատակն է իրականացնել առաջին անձնակազմով լուսնային վայրէջքը 2028 թվականին՝ «Արտեմիս 4» առաքելության շրջանակներում։ Տիեզերագնացների հիմնական խնդիրն է նաև փորձարկել «Օրիոնի» համակարգերը և ապահովել դրանց պատշաճ գործունեությունը հեռավոր տիեզերական պայմաններում։
