06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԱՄՆ–ում ՀՀ դեսպանը Կալիֆոռնիայում ներկայացրել է հայ–ամերիկյան օրակարգի առաջնահերթությունները
Քաղաքականություն
02.04.2026 | 09:30
Կալիֆոռնիայում կայացած հանդիպման ընթացքում ԱՄՆ–ում ՀՀ դեսպան Նարեկ Մկրտչյանը ՀԲԸՄ անդամների հրավերով ներկայացրել է հայ–ամերիկյան հարաբերությունների օրակարգը՝ անդրադառնալով Վաշինգտոնյան համաձայնագրերին, TRIPP նախաձեռնությանը և առաջիկա համագործակցության ուղղություններին։
«Կալիֆոռնիա կատարած այցի ընթացքում ԱՄՆ–ում ՀՀ դեսպան Նարեկ Մկրտչյանը, Հայկական Բարեգործական Ընդհանուր Միության Ասպետների (AGBU Asbeds) հրավերով, հանդիպել է ՀԲԸՄ անդամների, այլ հրավիրյալների հետ՝ ներկայացնելու ՀՀ–ԱՄՆ օրակարգի առաջնահերթությունները, ընթացիկ աշխատանքները և առաջիկա անելիքները։
Զրույցի առանցքում եղել են Վաշինգտոնյան համաձայնագրերը, «Թրամփի ուղի՝ հանուն միջազգային խաղաղության և բարգավաճման» (TRIPP) նախաձեռնությունը և դրա շուրջ ստեղծվող նոր բազմոլորտ հնարավորությունները։
Հանդիպումը շարունակվել է հարցուպատասխանի ձևաչափով, որի ընթացքում դեսպան Մկրտչյանը պատասխանել է մասնակիցներին հետաքրքրող հարցերին՝ հայ–ամերիկյան օրակարգի և երկկողմ հարաբերությունների շուրջ։
Ելույթով խոսքով ներկայացել է նաև Ասպետների նախագահ Վարդան Տելյանը, ով ներկայացրել է կազմակերպության պատմությունը, առաքելությունը։
Հանդիպմանն ի թիվս ՀԲԸՄ անդամների և այլ հրավիրյալների, մասնակցել են ԱՄՆ Հայաստանյայց Առաքելական Սուրբ Եկեղեցու Արևմտյան թեմի առաջնորդ Գերշ. Տ. Հովնան արքեպիսկոպոս Տերտերյանը, Լոս Անջելեսի գլխավոր հյուպատոս Աննա Ավետիսյանը»,- ասված է ԱՄՆ-ում ՀՀ դեսպանության տարածած հաղորդագրությունում։
