27.04.2026 | 16:30
Ռազմական ծախսերը կտրուկ աճել են Եվրոպայում ու Ասիայում՝ հասնելով 16 տարվա ընթացքում չտեսնված մակարդակի. SIPRI
ՊԵԿ․ էլեկտրամեքենաների համար վճարված մաքսատուրքերը ամբողջությամբ վերադարձվել են
Հասարակություն
01.04.2026 | 17:01
ՊԵԿ-ից հայտնում են, որ էլեկտրաշարժիչով տրանսպորտային միջոցների ներմուծման սակագնային արտոնության շրջանակում մինչև սահմանված ժամկետը ներկայացվել են բոլոր դիմումները, և արդյունքում վերադարձվել են 636 մեքենաների համար վճարված մաքսատուրքերը։
«ՀՀ կառավարության 2024 թվականի նոյեմբերի 28-ի N 1876-Ն որոշման 2.2 կետի համաձայն` ՀՀ ՊԵԿ-ի կողմից դեռևս 2026թ. հունվարի 9-ին հրապարակված 636 էլեկտրաշարժիչով շարժիչային տրանսպորտային միջոցների հայտարարատուներից` վճարված մաքսատուրքի գումարը հետ ստանալու համար սահմանված ժամկետում դիմել էին 575-ը կամ 61 տրանսպորտային միջոցների գծով դիմումներ չէին ներկայացվել:
Վերոնշյալ որոշման 2.4-րդ կետի համաձայն` 2026 թ․-ի փետրվարի 3-ին Կոմիտեն, ըստ ժամանակագրական սկզբունքի հաջորդականության (սկսած 637-րդ համարից), հրապարակել էր 61 տրանսպորտային միջոցների ցանկը, որոնց հայտարարատուներն իրավունք էին ստացել մինչև 2026թ. մարտի 31-ը դիմելու դեպքում վճարված մաքսատուրքի գումարը հետ ստանալ:Կոմիտեն տեղեկացնում է, որ վերոնշյալ բոլոր 61 տրանսպորտային միջոցների համար 2026թ. մարտի 31-ի դրությամբ ներկայացվել են դիմումներ:
Արդյունքում` բոլոր 636 տրասնպորտային միջոցների գծով մաքսատուրքի գումարները հետ են վերադարձվել»,- ասված է հաղորդագրությունում։
