06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Հայաստանը Global Terrorism Index 2026-ում անվտանգ երկրների շարքում է
Քաղաքականություն
31.03.2026 | 15:02
Տնտեսագիտության և խաղաղության ինստիտուտը (IEP-The Institute for Economics & Peace) ներկայացրել է Global Terrorism Index 2026 զեկույցը՝ հրապարակելով երկրների վերջին վարկանիշը՝ հիմնվելով ահաբեկչական սպառնալիքի մակարդակի վրա։
IEP-ն անկախ, անկուսակցական, ոչ առևտրային վերլուծական կենտրոն է, որի նպատակն է աշխարհի ուշադրությունը տեղափոխել խաղաղության ուղղությամբ՝ որպես մարդկային բարեկեցության և առաջընթացի դրական, հասանելի և շոշափելի չափանիշի։
Զեկույցի համաձայն՝ ամենամեծ ահաբեկչական ակտիվություն և սպառնալիք ունեցող երկրների շարքում են Պակիստանը (8,574 միավոր), Բուրկինա Ֆասոն (8,324), Նիգերը (7,816):
Հայաստանն 81-րդ տեղում է՝ 0,423 միավորով։ Այն գտնվում է ահաբեկչական ազդեցության շատ ցածր երկրների ցանկում։ Այս վարկանիշում սանդղակում ավելի բարձր դիրքը ցույց է տալիս սպառնալիքի ավելի ցածր մակարդակ։
Վրաստանը 77-րդն է (0,506 միավորով), Ադրբեջանը ՝ 90-րդը (0,123) միավորով, Ռուսաստանը՝ 17-րդ (5,593), Իրանը՝ 18-րդը (5,477), ԱՄՆ-ը՝ 28-րդը (4,521), Թուրքիան՝ 36-րդը (3,212 միավորով):
Թարգմանությունը՝ Էմմա Չոբանյանի
