29.03.2026 | 16:09
Թույլ տվեք հրապարակային բաներ չասեմ․ Միրզոյանը՝ Իրան հումանիտար օգնություն ուղարկելու մասին
Արդեն նկատվում է լուսային աղտոտման աճի դանդաղեցում, իսկ որոշ դեպքերում նաև լուսային աղտոտման նվազման միտում․ Երևանի քաղաքապետարան
Հասարակություն
29.03.2026 | 13:15
Երեկ Երևանի քաղաքապետարանը միացավ Բնության համաշխարհային հիմնադրամի նախաձեռնությանը, որը հիշեցնում է մեզ մեր ընդհանուր տան՝ Երկրի մասին, հայտնում են քաղաքապետարանից։
«Այս նախաձեռնությունը մեզ հիշեցնում է, որ շրջակա միջավայրի պահպանությունը միայն պետական քաղաքականությունների կամ միջազգային համաձայնագրերի շրջանակում չէ։ Այն սկսվում է յուրաքանչյուրիս գիտակցված ընտրությունից և պատասխանատու վերաբերմունքից:
Լույսերի խորհրդանշական անջատմամբ մենք վերահաստատում ենք մեր հանձնառությունը՝ աջակցելու էներգախնայողությանը, կլիմայի փոփոխության դեմ պայքարին և բնության հանդեպ հոգատար վերաբերմունքին։
Ի դեպ, վերջին տարիներին Երևանում իրականացվում է արտաքին լուսավորության ցանցի լայնածավալ արդիականացում․ հին համակարգերը փոխարինվում են էներգախնայող, ժամանակակից լուծումներով: Իրականացված աշխատանքի արդյունքում Երևանում առաջին անգամ ունենք դրական կանխատեսում, և արդեն նկատվում է լուսային աղտոտման աճի դանդաղեցում, իսկ որոշ դեպքերում նաև լուսային աղտոտման նվազման միտում»,-նշվում է հաղորդագրության մեջ։
