22.04.2026 | 14:20
Ալիևը հայտարարել է, որ Ադրբեջանի և Հայաստանի միջև արդեն իսկ խաղաղություն է հաստատվել
Եթե Գզոյանի նվիրած գիրքը «սադրիչ էր»,ինչո՞ւ է ԿԳՄՍ նախարարությունը հեղինակին պարգևատրել. Մանուկյան․ ՏԵՍԱՆՅՈւԹ
Հաղորդաշարեր
28.03.2026 | 19:00
«Մեր դժգոհությունները Գզոյանի ազատման հետ կապված մնացին ձայն բարբառո հանապատի, լսող չեղավ: Դա որևէ կերպ չազդեց նրան ազատելու որոշման վրա»,-Factor TV-ի հետ զրույցում նշում է ցեղասպանագետ, պատմաբան Սուրեն Մանուկյանը՝ անդրադառնալով ՀՀ վարչապետ Նիկոլ Փաշինյանի ցուցումով Հայոց ցեղասպանության թանգարան-ինստիտուտի տնօրենի՝ ազատման դիմում գրելուն:
Պատմաբանը շեշտում է՝ իրենք հասկանում են, որ ԱՄՆ փոխնախագահ Ջեյ Դի Վենսին գիրք նվիրելու թեման զգայուն է. «Մեզ մեղադրեցին հակապետական գործողություններ իրականացնելու մեջ, բայց գիտությունը չի կարող սակարկվել: Եվ հետո, , եթե Էդիտա Գզոյանի նվիրած գիրքը «սադրիչ էր», ինչու՞ է ԿԳՄՍ նախարարությունը հեղինակին պարգևատրել»:
Սուրեն Մանուկյանը նկատում է, եթե արարողակարգային փոփոխություններ էին եղել, կարող էին իրենց զգուշացնել. «Փոխանակ եթե բան էր փոխվել՝ Գզոյանին զգուշացնեին, կացնային մեթոդով ազատեցին, հետոն վախեցնող է. կարող են մեր հետազոտությունների հետ կապված սահմանափակումներ լինել: Բացի այդ՝ եթե Գզոյանի քայլը սխալ էր, ինչո՞ւ պետական պրոտոկոլի որևէ աշխատակից պատասխանատվության չենթարկվեց»:
Մանրամասները՝ տեսանյութում:
Աննա Բաբաջանյան
