27.03.2026 | 18:41
Պապիկյանը Փարիզում հանդիպել է Ֆրանսիայի ԶՈՒ և վետերանների հարցերով նախարար Կատրին Վոտրենի հետ
Դատավոր Գառնիկ Ստեփանյանն արդարացվել է
Հասարակություն
27.03.2026 | 17:24
Արարատի և Վայոց ձորի ընդհանուր իրավասության դատարանի դատավոր Գառնիկ Ստեփանյանն արդարացվել է։ Factor TV-ի այս տեղեկությունը հաստատում են դատարանից։ Արդարացման դատական ակտը կայացրել է դատավոր Սարգիս Հովհաննիսյանը։
Նշենք, որ Գառնիկ Ստեփանյանը մեղադրվում էր պաշտոնեական անփութության մեջ։ Նրա վերաբերյալ գործը դատարան էր ուղարկվել մոտ 1 տարի առաջ։ Ըստ մեղադրանքի՝ Գառնիկ Ստեփանյանը մահվան ելքով վթարի գործի քննության շրջանակներում է պաշտոնեական անփութություն ցուցաբերել, բայց, փաստորեն, դատարանը գործի քննությամբ կայացրել է արդարացման դատական ակտ։ «Դատալեքս» դատական-տեղեկատվական համակարգում դատական ակտը դեռևս տեղադրված չէ, և մեզ մանրամասներ հայտի չեն։
Գառնիկ Ստեփանյանը 2018 թվականից Ոստիկանության կրթահամալիրի, 2019-ից՝ Ռուս-հայկական (Սլավոնական) համալսարանի դասախոս է։ 2018-ին զբաղվել է փաստաբանական գործունեությամբ, 2019-ին նշանակվել է առաջին ատյանի դատարանի դատավոր, իսկ 2024-ին տեղափոխվել է Վերաքննիչ քրեական դատարան։ Նրա նկատմամբ քրեական հետապնդում հարուցելուց հետո լիազորությունները կասեցվել են՝ մինչև նրա վերաբերյալ քրեական վարույթի ավարտը։
Արաքս Մամուլյան
