Որևէ մեկը չփորձի ինձ կապել Միքայել Մինասյանի հետ․ Արթուր Վանեցյանը հրաժարականից հետո առաջին անգամ խոսեց. ՏԵՍԱՆՅՈՒԹ

Լուրեր

29.04.2024 | 12:42
Մարդուն ասում են` խոստովանի, որ դու ես արել, թե չէ կձերբակալենք․ պատգամավորը՝ Գլխավոր դատախազին․ ՏԵՍԱՆՅՈՒԹ
29.04.2024 | 12:34
Բլինքենը Սաուդյան Արաբիայում է՝ Իսրայել-ՀԱՄԱՍ հրադադարի հաստատման և Գազա մարդասիրական օգնության ավելացման նպատակով
29.04.2024 | 12:25
Մակունցը  ԵՊՀ ռեկտորի անունից համագործակցության նամակ-առաջարկ է փոխանցել․ քննարկվել են ԵՊՀ և Կոլորադոյի համալսարանի միջև կրթական հատուկ ծրագրեր կազմելու հնարավորությունները
29.04.2024 | 12:17
«Իրավիճակը ճակատում սրվել է». Ուկրաինայի ԶՈՒ գլխավոր հրամանատարը՝ Դոնեցկի մարզում ՌԴ-ի մարտավարական հաջողությունների մասին
29.04.2024 | 12:06
171 ավտոբուս ձեռք բերելու պայմանագիրը կնքվել է․ ՏԵՍԱՆՅՈՒԹ
29.04.2024 | 12:01
Բլինքենը զանգահարել է Փաշինյանին և Ալիևին, ուկրաինական զորքերն արևելքում նահանջել են․ ԼՈՒՐԵՐ
29.04.2024 | 11:55
Հայաստանի ու Ադրբեջանի ԱԳ նախարարները կհանդիպեն Ալմաթիում
29.04.2024 | 11:51
Ի՞նչ եղավ Վանեցյանի գաղտնալսման գործը, ինչո՞ւ էր նա խոսում ՀԱՊԿ-ի և Խաչատուրովի մասին հեռախոսով․ ՏԵՍԱՆՅՈՒԹ
29.04.2024 | 11:45
Ժամը 11։30-ի դրությամբ Երևանում փակ ճանապարհներ չկան․ ՆԳՆ
29.04.2024 | 11:42
Շաբաթ-կիրակի դեպի կենդանաբանական այգի անվճար երթուղի կգործի․ այն կգործարկվի մայիսի 1-ից․ ՏԵՍԱՆՅՈՒԹ
29.04.2024 | 11:33
Մեր շատ նախաձեռնություններ պտտվում, տեղ չեն հասնում, մի հատ հասկանանք՝ որտեղ են պտտվում․ Ավինյան․ ՏԵՍԱՆՅՈՒԹ
29.04.2024 | 11:27
Թբիլիսիում բազմահազարանոց բողոքի ցույց է անցկացվել «օտարերկրյա գործակալների» օրենքի դեմ, ոստիկանությունն արցունքաբեր գազ է կիրառել. ՏԵՍԱՆՅՈՒԹ
29.04.2024 | 11:26
ԵԱՍՄ հիմնարկում խախտումներ են արձանագրվել․ Ավինյանը հանձնարարեց դրանք փոխանցել իրավապահներին․ ՏԵՍԱՆՅՈՒԹ
29.04.2024 | 11:25
Որքա՞ն գումար և գույք է պահանջում Դատախազությունը Քոչարյանից, Ծառուկյանից և Խաչատրյանից․ ՏԵՍԱՆՅՈՒԹ
29.04.2024 | 11:19
Անձնական հսկողության տակ պահեք նոր մանկապարտեզների կառուցման հարցը. Ավինյանը՝ Հովհաննիսյանին․ ՏԵՍԱՆՅՈՒԹ
Բոլորը

Այս պահին զերծ կմնամ մեկնաբանել հրաժարականի տեքստը: Լրագրողների հետ զրույցում այս մասին ասաց ԱԱԾ նախկին տնօրեն Արթուր Վանեցյանը:

«Հրաժարականի տեքստը հրապարակվել է, բոլորը կարդացել են, ծանոթացել են և գնահատականները տվել են: Առաջիկայում, եթե անհրաժեշտություն առաջանա մեկնաբանել, անպայման կմեկնաբանեմ»,- հավելեց նա:

Վանեցյանն ասաց՝ իր բոլոր քայլերն անում է շատ գիտակցված և մտածված: Նա նաև կոչ արեց՝ չփորձել պղտոր ջրում ձուկ որսալ. «Ուզում եմ կոչ անել՝ չփորձել, այսպես կոչված, պղտոր ջրում ձուկ որսալ, չփորձեն ինձ ներքաշել իրենց խաղերի մեջ: Ես այս մեկուկես տարիների ընթացքում, երբ եղել եմ ԱԱԾ տնօրեն, իրականացրել եմ իմ աշխատանքը պատվով, մեծ պատասխանատվությամբ, և դրական արդյունքները եղել են բոլորի համար ակնհայտ»:

Նրա խոսքով՝ այն հեղինակությունն ու վարկանիշը, որ ձեռք է բերել ԱԱԾ-ն, իր համար ամենակարևոր արժեքն է, որն անհրաժեշտ է մեր պետությանը:

«Նախկինների խանդավառությունը, որ նկատվում է երեկվանից, ուզում եմ ասել՝ մնան իրենց քաղաքական անցյալում և չփորձեն խառնվել իմ և գործող իշխանությունների ներկայիս հարաբերությունների մեջ: Այդ հարաբերությունները մենք գիտենք՝ ոնց են և ոնց կշարունակենք»,- հայտարարեց Արթուր Վանեցյանը։

Դիտարկմանը, որ վարչապետ խոսնակ Վլադիմիր Կարապետյանն ասել է՝ հրաժարականի տեքստն ինքը չի գրել, Վանեցյանն արձագանքեց. «Պաշտոնապես հայտարարում եմ, որ այդ տեքստը գրվել է իմ կողմից և խմբագրվել է իմ խորհրդական Արմեն Դավթյանի կողմից: Մենք միասին աշխատանք ենք կատարել այդ տեքստի վրա: Որևէ մեկը չփորձի ինձ կապել Միքայել Մինասյանի հետ, որովհետև Միքայել Մինասյանն ինձ համար մարդ է, որ պետք է շատ հարցերի պատասխան տա ՀՀ օրենքների առջև։ Կլինի քննություն, վարչապետը երեկ հայտարարեց, որ ընթանում է քննություն, և քննությունը պատասխան կտա՝ արդյո՞ք Միքայել Մինասյանը պետք է կանգնի օրենքի առջև, թե ոչ»:

Վարչապետի հետ հարաբերությունների, լարվածության մասին հարցին էլ ԱԱԾ նախկին ղեկավարը պատասխանեց. «Վարչապետի հետ եղել են շատ լավ հարաբերություններ, մենք աշխատել ենք շատ լավ, չէի ցանկանա այլ մանրամասներ հայտնել»:

Factor.am-ի հարցին՝ քաղաքականությամբ զբաղվելու ցանկություն ունի՞, Վանեցյանն ասաց. «Երբ ես կայացրել եմ հրաժարականի որոշումը, ես չեմ խորհրդակցել որևէ քաղաքական ուժի հետ: Իմ հրաժարականի մասին ես խոսել եմ միայն իմ ընտանիքի՝ կնոջս, երեխաներիս և ծնողների հետ: Այդ որոշումը շատ մտածված էր, շատ հստակ: Ես քաղաքականություն մտնելու կամ քաղաքական զբաղվելու հետ կապված այս պահին որևէ մեկնաբանություն չեմ անի: Ես այս պահին կենտրոնանալու եմ մեր ֆուտբոլի զարգացման ուղղությամբ»:

Մանրամասները՝ տեսանյութում: